Steinstø Fruktgard ligg idyllisk til i fredlege omgjevnader
ved den vakre Hardangerfjorden.
Steinstøslekta har drive garden i ni generasjonar.

Søte, store bringebær kjem vanlegvis i juli, og får følgje av moreller, kirsebær, plommer, eple og pærer. Lagringsfrukt har me frå september til sesongen vert avslutta nærare jul. I eit normalår haustar me om lag femti tonn frukt og bær.

Me sel all frukta sjølve og har difor eit rikt utval plomme-, eple- og pæresortar. Me har alt frå tidleg til seint mogen frukt, til saman 9 ulike plommesortar, 13 pæresortar, og 26 eplesortar. Me har alltid frisk og nyplukka frukt i sommarhalvåret, noko for kvar ein smak.